एश्वर्या-आराध्यालाई समेत कोरोना पोजेटिभ,जया बच्चन भने नेगेटिभ पुष्टि

एजेन्सी । बलिउड अभिनेत्री एश्वर्या राय बच्चन र उनकी छोरीमा समेत कोरोना पोजेटिभ देखिएको छ ।

अभिनेता अमिताब बच्चन र उनका छोरा अभिषेकमा कोरोना पुष्टि भएसंगै बुहारी एश्वर्या र नातिनी आराध्यालाई समेत कोरोना  पोजेटिभ पुष्टि भएको हो ।

बच्चन परिवार बस्ने क्षेत्र र घरलाई स्यानीटाइज गरिएको छ । एश्वर्या राय बच्चन र उनकी छोरी आराध्या बच्चन समेत पोजेटिभ भएको भारतीय स्वास्थ्य मन्त्री राजेश टोपेले पुष्टि गरेका हुन् ।

भारतीय सञ्चार माध्यम टाइम्स अफ इन्डियाले एश्वर्या राय बच्चन र उनकी छोरी आराध्या बच्चन पोजेटिभ भएको उल्लेख गरेको छ । जया बच्चन भने कोरोना नेगेटिभ पुष्टि भएकी छिन् । यस बारेमा थप विवरण आउने बाकी रहेको सञ्चार माध्यमले उल्लेख गरेको छ ।

शनिबार साँझ अमिताब बच्चनलाई संक्रमण देखिएको उनले आफ्नो ट्वीटरमार्फत जानकारी दिएका थिए । केही समयपश्चात अभिषेकले समेत पोजेटिभ देखिएको ट्वीटरमार्फत सार्वजनिक गरेका थिए ।