कोहलपुर, पुष १२,
जिल्लाको कोहलपुर–११ स्थित खुल्ला मैदानमा जारी कोहलपुर महोत्सवको चौथो दिन पनि स्थानीय तथा राष्ट्रियस्तर कलाकारहरुको प्रस्तुति रहनेछन् ।
चौथोदिन आजका मुख्य आकर्षणको रुपमा लोक तथा दोहोरी गायिका पुर्णकला विसी, सोनु कुश्मी, गायक विष्णु सिंजाली मगर, हाँस्य कलाकार शिव शंकर रिजाल (जोगेन्द्र)सुरेन्द्र केसी (मुल साग) र गायक डिराज पौडेल लगायतका कलाकारहरुको प्रस्तुति रहनेछ । तेस्रो दिन हिजो ख्याती प्राप्त राष्ट्रियस्तरका कलाकारहरुले बेजोड प्रस्तुति दिएका थिए ।
पुस ९ गते सुरु भएको महोत्सवमा पछिल्लो समय निकै चर्चामा रहेकी गायिका शान्ता रानी परियार, युवामाझ निकै लोकप्रिय गायक कमल खत्री, लोक तथा दोहोरी गायक कमल बिसी माल्दाई र कृश क्षेत्री लगायतले कोहलपुर महोत्सवलाई तताएका थिए । उनीहरुको बेजोड प्रस्तुतिमा दर्शकहरु निक्कै झुमेका थिए ।
स्थानीय कर्णाली रोधीघरका कलाकारहरुले दोहोरी प्रस्तुत गरेका थिए । नेपाल आदीवासी जनजाति महासंघ नगर समन्वय परिषद् कोहलपुर बाँकेको आयोजनामा सुरु भएको ‘प्रथम कृषि तथा पर्यटन प्रर्वद्धन व्यापारिक संरक्षण तथा तथा साँस्कृतिक महोत्सव (एक्स्पो–२०८१)’ भव्य रुपमा सञ्चालन भइरहेको छ ।
आदीवासी जनजाति संग्रहालय निर्माण गर्ने उद्देश्यले महोत्सव सञ्चालन गरिएको हो । मेलामा करिब २५० वटा व्यापारिक स्टल तथा २० वटा होटल स्टल रहेका छन् । स्टल तथा प्रयोजक व्यवस्थापन संयोजक हेमन्त पुनका अनुसार स्टलबाट प्रदेशभरका व्यवसायीहरुले मनग्य लाभ लिनेछन् ।
महोत्सवका मुख्य आकर्षकका रुपमा ,महोत्सवमा बालउद्यान,कृषि प्रर्दशनी,व्यापारी स्टलहरु,हात्ती सफारी,उँट प्रर्दशनी, कराते,र उस्सु खेल प्रर्दशनपनि आकर्षणका रुपमा रहेका छन् । साथै मगर खाना परिकार,गुरुङ खाना परिकार,थारु परिकार,नेवार खाना परिकारका साथै अन्य जातीय खाना परिकारहरुको प्रर्दशनी गरिनुका सार्थै स्थानीय तथा राष्ट्रिय स्तरका कलाकारहरुको वेजोड प्रस्तुति रहने आयोजकले जनाएको छ ।
