कोहलपुर, असोज २७,
ईलाका प्रहरी कार्यालय कोहलपुरका प्रहरी नायब उपरीक्षक डिएसपी धर्मराज भण्डारीले चन्द्र बहादुर कामिको टाउको काटने व्यक्तिको पहिचान भएको हुन सक्ने बताएका छन् ।
डिएसपी भण्डारीले रोल्पा घर भई निजको घरमा आएको पाहुना अन्दाजी ३० बर्षिय अनिल परियार भएको हुन सक्ने आशंका गरेका हुन् । गत राति करिव १२ वजेको समयमा कोहलपुर नगरपालिका वडा नं. ८ पिपिरिमा टाउको नभएको शव फेला परेपछि अनुसन्धानलाई तिव्रता दिएको थियो । प्रहरीको प्रारम्भिक अनुसन्धान अनुसार उक्त घटनामा परियार संलग्न रहेको आशंका गरिएको हो ।
परियार, कामिको घरमा आई शिमला जाने सरसल्लाह गरि जाने तयारीवारे कुराकानि गरेको र वारदातको समय अघि दुई जनासँगै रहेको तर चन्द्र वहादुर उक्त वारदातमा परेदेखि परियार फरार रहेकाले घटनामा उनको संलग्नता रहेको हुन सक्ने भन्दै प्रहरीले निजको हुलियासहित फेला परेमा नजिकको प्रहरीलाई खवर गर्न आग्रह गरेको छ । गहुँ गोरो वर्ण भएको, दारी पालेको जिल्ला रोल्पा कोर्चाबाङको लाप्चाङ घरभएको बर्ष अन्दाजी ३० को, सेतो सट, कालो पाईन्ट, आर्मी कलरको सादा झोला बोकेको हुलिया भएको अनिल परियार फरार रहेको बताउँदै फेला परेमा जानकारी गराउँन आग्रह गरेको हो ।
सामान्य ज्याला मजदुरी गरेर खाने चन्द्र वंहादुर कामिलाई अमानविय तरिकाले टाउको नै छिनालेर टाउको नै गाएव अवस्थामा स्थानीयले फेला पारेका थिए । स्थानीयले शव फेला पारेपछि अस्थाई प्रहरी चौकी हवलदारपुरमा मानिस मृत अवस्थामा फेला परेको जानकारी गराएका थिए । घटना सम्बन्धि जानकारी पाउने बित्तिकै प्रहरीको टोली घटनास्थलमा पुगेको थियो । टाउको नभएको, कम्मर मुनी खैरो कलरको हाप जांगे लगाएको, कम्मर माथी कपडा नभएको, दुबै खुट्टा खाली भएको घोप्टो परेको अवस्थामा पुरुष ब्यक्तिको लास फेला पारेपछि
अनुसन्धानका क्रममा कोहलपुर नगरपालिका ८ नहरटोल बस्ने बिर बहादुर कामीका छोरा रहेको पत्ता लागेको थियो । कुनै व्यक्तिगत लेनदेन वा अन्य रिसिईविबारे अनुसन्धान गरिरहेको प्रहरीले तालिम प्राप्त कुकुरसहितको प्रहरी टोलि परिचालन गरि परियारको खोजिकार्यलाई तिव्रता दिएको छ । परियार पक्राउ परेपछि मात्र घटनावारे विस्तृत विवरण संकलन हुने भन्दै उनलाई पक्रन सहयोग गर्न कोहलपुर प्रहरीले अपिल समेत गरेको छ ।
दशैं टिकाको दिन शनिबार राती उनको हत्या भएको थियो । प्रहरीका अनुसार मृतकका बुवाले चन्द्रबहादुरको शव पहिचान गरेका हुन । मृतकको टाउको फेला परेको छैन । प्रहरीले नजिकै रहेको सिसि क्यामेरामा एक युवकले आवत–जावत गरेको र उनले शंकास्पद बस्तु बोकेको पत्ता लगाएको छ ।
