कोहलपुर, पुष ११,
कोहलपुरमा जारी ‘प्रथम कृषि तथा पर्यटन प्रर्वद्धन व्यापारिक संरक्षण तथा साँस्कृतिक महोत्सव (एक्स्पो–२०८१)’ को तेस्रो दिन विभिन्न कलाकारहरु आउने भएका छन् ।
श्री भावना एम्युजमेन्ट प्रा.लि.ले व्यवस्थापन गरेको महोत्वसमा बिहीबारपनि थुप्रै राष्ट्रिय तथा स्थानीय कलाकारहरुको प्रस्तुति रहने भएको छ । बिहीबार निकै चर्चामा रहेको गीत म त ढलढले गीतकी गायिका शान्ता रानी परियार, कृश क्षेत्री, कमल विसी माल्दाई, थारु गायक श्याम भगौरियाको प्रस्तुति रहनेछ ।
महोत्सवको दोस्रो दिन हिजो दोस्रो दिन लोक तथा दोहोरी गायक श्याम रानामगर, सिर्जना खत्री (हाउडे माया),राज कुश्मी,रेश्मा पुन,प्रेम विवश घर्तीमगरसहित राष्ट्रिय तथा स्थानीय कलाकारहरुले महोत्सवको माहोल तताएका थिए । महोत्सवमा गायक रानाले आफ्ना उत्कृष्ट गीतहरु गाएका थिए । उनको प्रस्तुतिमा दर्शकहरु निकै झुमेका थिए । आदीवासी जनजाति संग्रहालय निर्माण गर्ने उद्देश्यले महोत्सव सञ्चालन गरिएको हो ।
