कोहलपुर, पुष २२,
बाँकेको कोहलपुरमा रहेको क्रिकेट मैदानमा खुल्ला टि–२० क्रिकेट प्रतियोगिता हुने भएको छ ।
बाँकेको कोहलपुर २ मा रहेको युनाईटेड भिजन क्रिकेट क्लवको आयोजनामा आउँदो फागुन १८ गतेदेखि २८ गतेसम्म टि–२० क्रिकेट प्रतियोगिता गर्न लागेको सोमबार पत्रकार सम्मेलन मार्फत जानकारी दिईएको छ । कोहलपुर ४ किरणनालाका क्रिकेट खेलाडि तथा क्रिकेट प्रेमि स्व. वीरेन्द्र शाहीको स्मृती प्रतियोगिता गरिने भएको हो ।
क्लवले आफना सहकर्मी शाहीलाई जीवन्त राख्न तथा उनको क्रिकेट मोहको सम्मानका लागि क्रिकेट आयोजना गर्न लागेको जनाएको छ । शाहीको स्मृतीमा यसभन्दा अघि पनि विभिन्न खेलकुदहरु आयोजना गरेको सम्मेलनमा जानकारी गराईएको थियो ।
करिब ३ लाख राशीको खुल्ला टि–२० क्रिकेट प्रतियोगितामा देशैभरिका १६ वटा टिमले खेल्ने आंकलन गरेको आयोजकले जनाएको छ । राष्ट्रिय क्रिकेटका पुर्व कप्तान एलवि क्षेत्रीले विगत लामो समयदेखि स्थापना गरिएको कोहलपुर क्रिकेट मैदानको स्तरोन्नति गरिनुपर्ने बताएका छन् । सम्मेलनमा प्रमुख अतिथी रहेका क्षेत्रीले ‘स्वास्थ्यका लागि खेल, राष्ट्रका लागि खेल’ भन्ने नारा नै परिवर्तन गरी’ दक्ष खेलाडी उत्पादनका लागि खेल’ भन्ने वनाईनुपर्नेमा जोड दिएका थिए ।
पत्रकार भेटघाट कार्यक्रममा कोहलपुर नगरपालिका वडा नं. ११ का वडा अध्यक्ष कल्पना अधिकारीले वार्षिक रुपमा स्व. वीरेन्द्र शाहीको स्मृतीमा हुने यस्ता प्रतियोगिताकालागि वजेट विनियोजनकालागि कार्यपालिकामै आवाज उठाउने बताएकी छन् । उनले यस प्रतियोगिताका लागि वडाबाट वजेट रकमान्तर गरेर सहयोग गर्ने बताईन् । नगर खेलकुद विकास समितिका संयोजक चक्र चिमाला क्षेत्रीले खेल क्षेत्रमा आवश्यक वजेट नहुदा खेलप्रेमी आयोजक र खेलाडि उत्पादन गर्न क्लवहरुलाई निकै चुनौति हुँदै आएको बताएका छन् ।
क्षेत्रीले उनले आगामि स्थानिय सरकारको वजेटमा खेल तथा खेलाडीहरुका लागि आवश्यक वजेट विनियोजन गराउन आफुले नगर खेलकुदको तर्फवाट कुनै कसुर नराख्ने वताए । कार्यक्रममा समाजसेवी एवं एमाले नेतृ अनिता पौडेल लगायत विभिन्न संचार माध्यममा कार्यरत संचारकर्मीहरुको सहभागिता रहेको थियो । क्लवका अध्यक्ष गम्भिर जंग मल्लको अध्यक्षतामा सम्पन्न पत्रकार भेटघाट कार्यक्रमको सहजिकरण क्लवका सचिव नविन बुढाथोकिले गरेका थिए ।
