कोहलपुर, पुष २७,
बदलिँदो थारू समाज र साहित्य विषयक विचार गोष्ठी भव्यताका साथ सम्पन्न भएको छ ।
राष्ट्रिय एकता दिवस तथा माघ÷माघे सङ्क्रान्तिका अवसरमा हाम्रो पूर्णिमा साहित्य प्रतिष्ठान कोहलपुरले कार्यक्रमको आयोजना गरेको थियो । कोहलपुर नगरपालिका वडा नं ५/६ मा रहेको कोहलपुरको ठूलो र पुरानो थारू बस्ती रझेना थारु गाउँमा कार्यक्रम गरिएको थियो ।
प्रदेश सांसद सन्जु थारूको प्रमुख आतिथ्यता तथा वडा नं ५ का वडा अध्यक्ष दिपेन्द्र श्रेष्ठ र वडा नं ६ का वडा अध्यक्ष श्रीकृष्ण थारूले समसामयिक विषयमा आफ्ना धारणाहरू राखेका थिए । कार्यक्रममा बडघर, गुरुवा लगायत थारू समुदायका गन्नेमान्नेहरूको उपस्थिति थियो । प्राज्ञ डा. कृष्ण राज सर्वहारी र उप प्रध्यापक डा. राजकुमार चौधरीले ऐतिहासिक महत्व राख्ने कार्यपत्रहरू प्रस्तुत गरेका थिए । कार्यक्रममा वक्ताहरूका विचारहरूलाई समेत समेटेर साहित्यकार शेखर दहितले डा. द्धोयद्धारा प्रस्तुत कार्यपत्र माथि टिप्पणी गरेका थिए ।
प्राज्ञ महानन्द ढकाल र प्राज्ञ हरि प्रसाद तिमिल्सिनाको मन्तव्य रहेको कार्यक्रममा थारु नृत्य तथा गायन प्रस्तुत गरिएको थियो । हामे पूर्णिमा साहित्य प्रतिष्ठानका अध्यक्ष पुष्कर रिजालको अध्यक्षतामा भएको कार्यक्रममा स्वागत मन्तव्य प्रकाश मरासिनी राखेका थिए । कार्यक्रमको सञ्चालन प्रतिष्ठानका सचिव केशव निमेषले गरेका थिए ।
