कोहलपुर, फागुन १०,
मिसन पब्लिक एकेडेमी कोहलपुर ९ को अभिभावक दिवस सम्पन्न भएको छ ।
विद्यालयका प्रबन्धक÷संस्थापक लक्ष्मी नारायण चौधरीको अध्यक्षतामा भएको कार्यक्रममा प्रदेश सभा सदस्य दुर्गा बहादुर चौधरी प्रमुख अतिथी रहेका थिए । प्रमुख अतिथी चौधरीले विद्यालयले शैक्षिक विकासमा योग्य नागरिक उत्पादन गर्नुपर्ने सुझाव दिएका छन् । चौधरीले विद्यालयलाई गणुस्तरीय शिक्षाको केन्द्रको रुपमा स्थापित गर्न विभिन्न शैक्षिक अन्तरक्रियात्मक कार्यक्रमहरु सञ्चालन गर्न सुझाव दिए ।
उनले शैक्षिक गुणस्तर सुधार तथा दक्ष जनशक्ति उत्पादनका लागि शिक्षक अभिभावक, विद्यार्थी सबैको भुमिका उत्तिकै आवश्य रहेको उल्लेख गरे । यस क्षेत्रका आम विद्याथी र अभिभावकको आकर्षणको शैक्षिक संस्थाका रुपमा उभ्याउने सबैको साथ आवश्यक रहेको बताए । कार्यक्रममा शिखा एकेडेमी बाँकेका प्रिन्सिपल राजिव सुवेदीले विद्यार्थीको सबै प्रकारका प्रतिभा प्रस्फुटन गराउने कार्यमा विद्यालयलाई अझै सफलता प्राप्त गर्ने विश्वास व्यक्त गरे । कार्यक्रममा बोल्ने वक्ताहरुले विद्यार्थीको व्यवस्थापन र शैक्षिक गतिविधि उत्कृष्ट ढंगले सञ्चालन गर्न सुझाव दिएका थिए ।
कार्यक्रममा कोहलपुर सिटी एकेडेमीका प्रिन्सिपल प्रशान्त रिजाल लगायतको सहभागिता रहेको थियो । कार्यक्रममा अभिभावकको उल्लेख्य उपस्थितिमाझ विद्यार्थीले रचनात्मक नृत्य, कविता, प्रहसन तथा नाटकमार्फत आ–आफ्ना प्रतिभाहरू प्रस्तुत गरेका थिए । कार्यक्रममा लामो समयसम्म विद्यालयलाई योगदान दिने शिक्षक, शिक्षिका लोकमाया थापालाई सम्मान गरिएको थियो भने साँस्कृतिक प्रदर्शनी तथा अतिरिक्त क्रियाकलाप सहायता वाफत कदर पत्र सुस्मिता आले मगरलाई प्रदान गरिएको थियो । यस्तै स्वीकृती चलाउनेलाई अनुसाशन, नियमित विद्यालय आउने सजित चन्द, सरसफाई तर्फ राजषी थापालाई सम्मान गरिएको थियो । कार्यक्रममा विद्यालयका संस्थापक चौधरीले विद्यायलले विद्यार्थीको नियमित पठनपाठनका अतिरिक्त बाह्य प्रतियोगितात्मक सहयोगकार्यक्रमहरु गर्दै आएको जानकारी दिए । उनले विद्यालयको गुणस्तर वृद्धिका लागि सहयोग गर्ने बचन पनि दिए ।
