कोहलपुर ,फागुन १२,

कोहलपुरमा जारी ७ औँ उपमेयर कप छात्रा क्रिकेट प्रतियोगिता–२०८१ को उपाधिका लागि बालशिक्षा मावि भरैया र लक्ष्मी माविबीच फाइनल हुने भएको छ ।

सोमबार बालशिक्षा मावि भरैयाले गोरखा युनाइटेड पब्लिक स्कुललाई र लक्ष्मी माविले ज्ञानज्योति माविलाई हराउँदै फाइनल यात्रा तयार गरेका हुन् । छौटौँ दिन सेमिफाइनलका दुई वटा खेल भएका थिए । पहिलो खेल बालशिक्षा मावि र गोरखा युनाइटेड पब्लिक स्कुल बीच भएको थियो । दोस्रो खेल ज्ञानज्योति मावि र लक्ष्मी माविबीच भएको हो ।
पहिलो सेमिफाइनल खेलमा बालशिक्षा माविले पहिले टस जितेर ब्याटिङ रोज्यो । निर्धारित २० ओभरमा बालशिक्षा माविले ८ विकेट गुमाउँदै ९४ रन बनाएको थियो । बालशिक्षा माविका लागि सार्बधिक हुमकली ओलीले २५ बलमा १८ रन र सम्झना पुन मगरले २० बलमा १४ रन बनाएकी थिइन् ।
बालशिक्षा माविले दिएको ९५ रनको लक्ष्य पछ्याउँदै गोरखा युनाइटेड पब्लिक स्कुलले ६.२ ओभरमा अलआउट हुदै २१ रनमा समेटिएको थियो । यो सँगै बालशिक्षा मावि ७३ रनले विजयी हुदैँ फाइनल प्रवेश भएको हो । उक्त खेलमा बालशिक्षा मावि सम्झना पुन मगरले ३ विकेट लिदै म्यान अफ द म्याच समेत बनिन् ।

दोस्रो सेमिफाइनल खेलमा ज्ञानज्योति मावि र लक्ष्मी मावि बिच भएको थियो । पहिला टस जितेर लक्ष्मी माविले ब्याटिङ रोज्यो । ब्यटिङ गर्दै लक्ष्मी माविले २० ओभरमा ८ विकेट गुमाउँदै १३९ रन बनाएको थियो । लक्ष्मी माविका लागि एलिशा बुढाले सार्बधिक ३१ बलमा १६ र रितु रासकोटिले ७९ बलमा १० रन बनाएकी थिइन् । लक्ष्मी माविले दिएको १४० रनको लक्ष्य पछ्याउँदै ज्ञानज्योति माविले १०.२ ओभरमा अलआउट हुदै ४२ रनमा समेटियो ।

लक्ष्मी मावि यो सँगै ९७ रनले विजयी हुँदै फाइनल प्रवेश गरेको छ । विद्यालयका लागि रितुले बलिङतर्फ ३ विकट लिएकी थिइन् । उनी म्यान अफ द म्याच समेत बनिन् । प्रतियोगिता–२०८१ को फाइनल आज कोहलपुरस्थित प्रस्तावित अन्तर्राष्ट्रिय क्रिकेट मैदानमा साढे १० बजे हुँदैछ ।
बालशिक्षा मावि भरैया र लक्ष्मी माविबीच उपाधिको लागि भिडन्त हुँदैछ । बालशिक्षा मावि भरैयाले गोरखा युनाइटेड पब्लिक स्कुललाई हराएर फाइनल पुगेको हो भने लक्ष्मी मावि ज्ञानज्योति माविलाई हराउँदैै फाइनल पुगेको हो ।