कोहलपुर, बैशाख १,
नेपाल मगर सघं बाँकेद्वारा सञ्चालित प्रथम सांस्कृतिक भेषभुषा तथा खानपान महोत्सव–२०८३ अहिले उत्साहजनक रूपमा सञ्चालन भइरहेको छ ।
मगर इतिहास, भाषा, संस्कृति संरक्षण–संवर्धन, मगरात पहिचान र स्वायत्त शासनसहितको संघीय लोकतान्त्रिक गणतन्त्र भन्ने मूल नारासहित सुरु भएको मेलाको दोस्रो दिन चर्चित राष्ट्रिय कलाकारहरुको वेजोड प्रस्तुती रहेको थियो ।
मंगलबार चर्चित गायक मिलन लामाले दर्शकलाई भरपुर मनोरञ्जन दिलाए । उनले आफ्नो विभिन्न् सांगीतिक कोसेलीहरु प्रस्तुत गरेका थिए । उनले आफ्नो पुरानो चर्चित गीत माझीदाई पोखरा फेवा तालको, बाटो खुल्यो मोटर चल्यो जुम्ला कालीकोटको लगायतका गीतहरु गाएर दर्शकहरुलाई मनोरञ्जन दिलाएका थिए । यसैगरी पछिल्लो समयका चर्चित तथा युवाहरुका ढुकढुकी कलाकार टंक तिमिल्सेनाले पनि आफ्नो प्रस्तुति मार्फत दर्शकलाई मनोरञ्जन दिएका थिए । उनले आफ्नो जस्ता लोकप्रिय गीतहरू प्रस्तुत गर्दै माहोल तताएका थिए ।
कार्यक्रममा द भ्वाईस अफ नेपाल सिजन ७ की विजेता नीता कुमारी थापा मगरले समेत विभिन्न लोक तथा आधुनिक गीतहरू प्रस्तुत गर्दै दर्शकको मन जितेकी थिइन् । महोत्सवको तेस्रो दिन झन् आकर्षक बन्ने अपेक्षा गरिएको छ । चर्चित गायक गोपाल नेपाल जि.एमको विशेष प्रस्तुति रहने आयोजकले जानकारी दिएको छ, जसले दर्शकलाई थप उत्साहित बनाएको छ । मगर समुदायको मौलिक पहिचान, कला, संस्कृति र परम्परालाई एकै थलोमा प्रस्तुत गर्ने उद्देश्यले आयोजना गरिएको यो मेलाले स्थानीय मात्र नभई राष्ट्रिय स्तरमै मगर समुदायको सांस्कृतिक धरोहर उजागर गर्ने महत्वपूर्ण भूमिका खेल्ने आयोजकले अपेक्षा गरेको छ ।
मगर समुदायका मौलिक भेषभुषा, परम्परागत खानपान, सांस्कृतिक झाँकी तथा नयाँ वर्ष २०८३ को शुभकामना आदान–प्रदान कार्यक्रमले विशेष आकर्षण थपेको छ । आजको कार्यक्रम सफलतापूर्वक सम्पन्न भइसकेको आयोजकले जनाएको छ । नयाँ वर्ष २०८३ को अवसरमा आयोजित यस कार्यक्रमले आपसी सद्भाव, एकता र सांस्कृतिक गौरवलाई थप मजबुत बनाएको छ । दोस्रो दिनको उद्घोषकका रुपमा बिनोद परियारले राजेन्द्र परियार रहेका थिए ।
