कोहलपुर, असोज १९,
आगामी २–३ दिन देशका केही स्थानमा मेघगर्जन तथा चट्याङसहित मध्यम वर्षा हुने सम्भावना रहेको मौसम पूर्वानुमान महाशाखाले जनाएको छ ।
महाशाखाले विशेषगरी कृषि कार्यमा संलग्न सर्वसाधारण तथा सम्बन्धित सरोकारवाला निकायलाई पछिल्लो मौसमी सूचना र मौसम पूर्वानुमानबारे नियमित जानकारी लिन आग्रह गरेको छ । सम्भावित वर्षाका कारण कृषि कार्य प्रभावित हुन सक्ने भएकाले आवश्यक तयारी तथा योजना बनाउनसमेत महाशाखाले अनुरोध गरेको छ ।
मौसमको अवस्था तथा आगामी दिनको पूर्वानुमानबारे थप जानकारीका लागि मौसम पूर्वानुमान महाशाखा तथा जल तथा मौसम विज्ञान विभागका आधिकारिक सूचना हेर्न आग्रह गरिएको छ ।
