कोहलपुर, कार्तिक १५,
लोकतान्त्रिक विद्यार्थी संघको नयाँ नेतृत्व चयनमा धिरज बिष्ट सह–महासचिव पदमा मनोनयन भएका छन् ।
बिष्टको मनोनयनले संगठनभित्र नयाँ उत्साह थपेको बताइएको राजनीतिक प्रतिबद्धता, नेतृत्वदायी क्षमता, र विद्यार्थीहरूको आवाज बुलन्द गर्न गरेको सक्रिय भूमिकालाई कदर गर्दै उनलाई यो जिम्मेवारी सुम्पेका हुन् । मनोनयनपछि बिष्टले आफू विद्यार्थीको हकहितका मुद्दामा दृढ भएर लाग्ने प्रतिबद्धता व्यक्त गरे । धिरज बिष्टले संगठनभित्र लामो समयदेखि विभिन्न तहहरूमा जिम्मेवारी सम्हाल्दै आएका छन्।
उनको मनोनयनसँगै संगठनले आगामी दिनमा विद्यार्थीहरूको हक र अधिकारका मुद्दामा अझ सक्रिय भूमिका खेल्ने अपेक्षा गरिएको छ । बिष्टले शिक्षा नीति सुधार, क्याम्पसहरूमा अनुशासन कायम गर्ने र विद्यार्थीहरूको अवसर प्रवर्द्धन गर्ने मुद्दालाई प्राथमिकतामा राख्ने बताएका छन् । बिष्टलाई सह–महासचिवमा नियुक्त गरेपछि संगठनभित्र नयाँ ऊर्जा थपिएको महसुस गरिएको छ । अबको कार्यकालमा संगठनले विद्यार्थीहरूको माग सम्बोधन गर्न अझ प्रभावकारी पहल गर्ने विश्वास लिइएको छ ।
